You are currently viewing Një arsye për të thënë faleminderit

Një arsye për të thënë faleminderit

Ç’dhuratë më të bukur mund të marr njeriu se sa pak vëmendje?

Të ndihesh se ekziston për dikë edhe nëse nuk i duhesh. Të mos ndihesh i vështirë për t’u kuptuar, kaq i vështirë për t’u dashur! Mirësia udhëtonka bukur dhe papritur shkakton dhembshuri ku nuk e pret. Merr aty ku mbolle fare pak… ku fara ka fluturuar rastësisht. Atëherë, i hap duart dhe pranoj me mirënjohje çdo shenjë mirësie. Marr, mbush shpirtin me pak vetëbesim dhe siguri.

Mrekullohem. Habitem. Ndihem e gjallë, pak e dehur… pak e lumtur. Rrenqethem nga emocioni, përlotem nga bukuria e çastit. Po mësoj të shijoj të marr, pa frikë. Të pranoj të mirën pa vrarë mendjen nëse vërtet e meritoj.

Marr dhe kënaqëm sepse kam një arsye për të thënë faleminderit.

This Post Has 3 Comments

  1. Eva

    Të ndihesh se ekziston për dikë edhe nëse nuk i duhesh. Të mos ndihesh i vështirë për t’u kuptuar, kaq i vështirë për t’u dashur!
    👍👍👍👍👍

    1. Noa

      më vjen mirë që dikush ndihet rehat në fjalët e mia!

  2. Dorispaintbrushes

    Vërtet, të veprosh njerëzishëm dhe me mirësi duhet të jetë shprehi e përhershme e sjelljes….kështu, “shkakton dhembshuri aty ku nuk e pret”. Si gjithmonë, ke fjalët e duhura për t’a përshkruar. 😊👏👏👏🌟

Leave a Reply