You are currently viewing Më dhemb kurrizi

Më dhemb kurrizi

  • Post author:
  • Post category:Mendime
  • Post comments:1 Comment

A të dhemb ty kurrizi? Mua po shpesh. Më dhemb nga peshat e vogla që mbaj përditë. Ato fjalë që hedhin njerëzit pa u menduar, ato sjelljet pa edukatë, të bërtiturat e rëndomta.

Më dhemb nga peshat e mëdha. Nga gjithë dhembja e botës mbarë. Nga rënkimet më të largëta. Nga deti i lotëve që mbledh me kova.

Më dhemb kurrizi të mbaj peshën e arrogancës. Atë trastë të vogël injorance të ligë e cila kalon dorë më dorë e më ngec mua.

Po sikur të përmendim kërrusjen e dorëzimit? Dorëzimi se nuk çan dot, se nuk bërtet dot, nuk mashtron dot, nuk jep dot ryshfete qofshin këto edhe shpirtërore.

Eh, nuk mban më kurrizi i lodhur ato gurë të rëndë që mbledh nga ankesat e tjerëve … që pa dashje ngarkoj.

Më dhemb kurrizi, nga ato bagazhet që turistët e së kaluarës më lanë peng e kanë ikur… përgjithmonë.

Hamall ndjenjash.

This Post Has One Comment

  1. Aleks

    Nese jeton per boten do te dhemhi kurrizi gjith jeten,nese jeton per vete mos ta ndieje cfare thote njerzit dhe do jetosh e lumtur pa dhimbje e merzitje

Leave a Reply