Duhet më shumë se një tren dhe aeroplan… për një udhëtim ideal
Kur është koha për të shkuar me pushime, ndihemi të emocionuar dhe të lumtur. Shpesh, bagazhet tona janë plot me rroba që nuk i veshim kurrë, së bashku me aksesorë që “me siguri” do të na ndihmojnë të shijojmë udhëtimin. Lista është e gjatë dhe e ndërlikuar, por asnjë nga këto nuk garanton kënaqësinë e pushimeve tona. Ne duhet të rishikojmë, ndoshta, konceptet tona dhe të vendosim mendjen për Udhëtimin Emocional.
Çfarë është udhëtimi emocional?
Thënë në një fjali: Mos harroni të merrni shpirtin tuaj më vete! Mes ngutjes për të parë çdo gjë, ose ndjenjave të përziera kur zhgënjehemi, meqë nuk është gjithçka si paraqitej në mediat sociale. Kjo është edhe më e rëndësishme kur vizitojmë vende jokonvencionale, vende më pak të zhvilluara ose, thjesht të ndryshëm. Edhe nëse nuk do t’ju pëlqejë çdo gjë, ia vlen përpjekja dhe ajo që do të bëheni gjatë udhëtimit do të jetë suveniri juaj!
Si bëhet?
Vini në përdorim shqisat: Merrni frymë dhe merrni pak kohë për të parë rreth jush Ngjyra të ndryshme, njerëz të ndryshëm, shije dhe tinguj të rinj. Përvoja organike multisensoriale do t’ju prezantojë me mënyra të ndryshme për të jetuar, shijuar jetën dhe të ndjerit.
Ngadalë: Rezistojini dëshirës për të nxituar ca nga një vend në tjetrin. Merrni kohënpër të shijuar vaktet, të kundroni peisazhe dhe të përfshiheni plotësisht në aktivitete. Ngadalësimi ju ndihmon të vëreni detajet që e bëjnë çdo moment të veçant.
Jini të pranishëm: afrohuni njerëzve, dëgjoni me vëmendje, përfshihuni në biseda domethënëse dhe vlerësoni lidhjet që krijoni gjatë rrugës. Kërkoni informacion dhe njohuri, jini kureshtar!
Përsjatuni tek dallimet pa gjykuar: Kur takoni kultura, zakone ose mënyra të ndryshme jetese, vëzhgoni dhe vlerësoni këto dallime pa gjykim të menjëhershëm. Të kuptosh dhe të vlerësosh ndryshimet mund të thellojë përvojën tuaj të udhëtimit dhe të nxisë ndjeshmërinë. Reflektoni se si këto dallime zgjerojnë këndvështrimin tuaj dhe pasurojnë udhëtimin tuaj.
Nëse vini në Shqipëri
Kur të vizitoni Shqipërinë, do të habiteni. Nuk është ashtu siç e kanë portretizuar mediat këtë vend për kaq shumë vite, por jo gjithçka është as e përsosur si kartolinë. Mund të jetë edhe më mirë se sa mendoni nëse mbani një mendje të hapur dhe hapni zemrën tuaj. Mund të jetë një përvojë e mrekullueshme nëse ndiqni rrjedhën e vendasve, duke provuar valle dhe ushqime të reja. Vizita e disa vendeve historike dhe muzeumeve do t’ju japë sugjerime për historinë dhe sfidat me të cilat është përballur ky vend.
Zbatohet për secilin
Përfshirja e vëmendjes në udhëtimet tuaja mund ta transformojë udhëtimin tuaj në një tapiceri të pasur përvojash dhe rritjeje personale. Duke qenë prezent, duke angazhuar shqisat tuaja dhe duke përqafuar çdo moment me qëllim, ju mund të krijoni një lidhje më të thellë me botën përreth jush dhe brenda vetes. Pra, herën tjetër që planifikoni një pushim, merrni parasysh Udhëtimin Emocional dhe nisni një udhëtim që ushqen trupin dhe shpirtin tuaj.
Dhe mbani mend, mos harroni të vendosni zemrën tuaj në bagazhin tuaj!
Artikulli në Anglisht
Nëse të pëlqen, regjistrohu në këtë blog!
![](https://hajdeseflasim.com/wp-content/uploads/2024/05/White-Beige-Minimalist-Elegant-Classy-Book-Review-Blog-Banner-1024x576.png)
Më kontakto që të kesh kopjen tënde! Shtyp këtu!
supported by DuoMediaSolutions