You are currently viewing Je, do të doje të ishe, duan të jesh.

Je, do të doje të ishe, duan të jesh.

Sa faqe ditari kam shkruar  për këtë. Kam ditarin e parë… Faqet  e bukura u mbushën me pikëpyetjet e para, me “mospërgjigjet” e para. U mbushën me ndjenjat më të ndërlikuara dhe të pa zgjidhura. Ajo që jam nuk ka përkuar  gjithmonë me atë që dukem, duhet apo dua  të jem. Lëmsh foljesh, po pikërisht atë lëmsh ndjej vazhdimisht.

Kush jam? Jam një qenie e ujëshme. Çdo  gjë kalon e duket përtej.  Marr forma të ndryshme por dhe rrëshqas nga duart. Jashtë kontureve. 

Ç’duan të jem? Një palaço që spërkat lozonjare me përkorje ujë publikut. Ajo që për të qeshur bën… kur për vete qan. Gjithmonë në rregull, brenda kontureve… Ujë i ngrirë.

Ç’dua të jem? Ujë, por i mirë. Dua të jem rrëke e të freskoj këdo. Prandaj dal nga konturet që të derdhem.

This Post Has 2 Comments

  1. Dorispaintbrushes

    😳😳 Vërtet e ndjerë!

  2. Geraldo

    Je thjesht vetvetja 😊

Leave a Reply to Geraldo Cancel reply